Úúúúúúúúú, klámkvöld á Spotlight í kvöld... Yeah beibí!

Það er eittvað voðalega niðurdrepandi við það að sitja ein á stórri skrifstofu á laugardagseftirmiðdegi og vera að vinna. En það er samt líka fínt af því að þá get ég hlustað á útvarpið og hækkað geðveikt mikið þegar það koma skemmtileg lög! Ég er búin að vera að hlusta á nýju stöðina hans Mumma í Mótorsmiðjunni þó að það sé "Útvarp fyrir Karlmenn" og ég er náttúrulega bara stelpa. Mér finnst þetta samt fín stöð, fullt af lögum sem maður hefur ekki heyrt lengi og það er fínt að hvíla sig aðeins á strákarokkinu á RadioX án þess að þurfa að hlusta á gaul, væl, garg eða stunur sem er yfirleitt það eina sem er í boði á öðrum útvarpsstöðvum. Lifi Radio Reykjavík! Þótt ég sé stelpa...

David Beckham á fullt af samkynhneigðum aðdáendum svo að fólk segir að hann sé skápahommi.
Rupert Everett á fullt af gagnkynhneigðum aðdáendum en enginn segir að hann sé streit.

Bara pæling...

Minningarnar maður...
Keiz var að setja inn póst fyrir svona „ellismelli" eins og okkur (sem þið verðið eiginlega að lesa áður en þið lesið þetta) og ég fór að hugsa...
Sko, ég er ekki gömul, en ég skrifaði litla ritgerð um leiðtogafundinn, ég tók Pepsi áskoruninni, besta vinkona mín átti BETA vídeó, við áttum svarthvítt sjónvarp (NB ekki með fjarstýringu ;)), ég hlustaði á plötur (Með RíóTríó og Abba!) og ellllskaði Superman myndirnar, óskalög sjómanna og sjúklinga vekja upp minningar um appelsínugula eldhúsið í Hraunbænum, ég var ógeðslega góð á hjólaskautum, ég átti break-dance galla og vasadiskó (nokkur, af því ég var alltaf að eyðileggja þau með fikti og illri meðferð) og mamma mín vann í Karnabæ. Við systkinin áttum samt ekki BMX hjól, við áttum Chopper... Og PC tölvur??? Við áttum Sinclair Spectrum sem var tengd við sjónvarpið og spilaði leiki af KASETTUM. Ég fór oft í grænan strætó (og það kostaði minnir mig bara tvær krónur fyrir börn í strætó þegar ég var að byrja að nota þá) og keypti fullt af fimmaura kúlum fyrir flöskur sem maður fann út á götu (þó að maður hafi bara fengið fimmkall eða eitthvað svoleiðis fyrir flöskuna var það samt fuuuuulllt af fimmaurakúlum ;)). Og tónlistin... Ég var sko áskrifandi að ABC og ég átti plaggöt með öllum flottustu hljómsveitunum; Culture Club, Duran Duran, Eurythmics, Nick Kershaw og ég held að ég hafi verið mesti Limahl aðdáandi í heiminum!
En svona gengur þetta bara fyrir sig, kynslóðirnar á undan minni höfðu engin vídeó og ekki tölvur, ekki einu sinni Sinclair Spectrum, þau hlustuðu á aðra tónlist og svo framvegis. Svona er bara lífið, þetta rúllar allt áfram með nýjum vörum, tónlist og tækninýjungum til að dást að í minningunni...

Mmmmmmm hvað það er flott mynd af David Boreanaz í Séð og heyrt í dag...

Að kröfu Hildar kemur hér frekari útlistun á því sem ég gerði um helgina:

*horfði á vídeó hjá Keiz á föstudaginn
*horfði á Angel á laugardaginn og komst svo að því að Buffy þættirnir eru bilaðir *grát*
*passaði hjá Ástu systur á laugardagskvöldið
*leiddist ofboðslega þegar börnin voru farin að sofa svo að ég litaði hárið á mér bleikt
*las sænska sakamálasögu á sunnudaginn
*fór í sunnudagsmat til mömmu (Mmmmmm hvað mömmu matur er alltaf góður...)
*fékk hjartaáfall þegar Valla bankaði á gluggann minn á sunnudagskvöldið. Var samt fljót að jafna mig þegar ég sá að hún var með Hercules með sér :)
*klippti Völlu í sturtunni hjá mér
*horfði á Angel með Völlu
*fór alltof seint að sofa og dreymdi að ég hefði fengið vinnu í Búnaðarbankanum... En þú vissir það náttúrulega ;)

Sko, fullt af viðburðum en samt var allt bara rólegt og gott ;)

Ég held sko bara að þriðjudagar séu verri en mánudagar. Ég komst náttúrulega að þessu af því að ég, sem sjónvarpssjúklingur, hafði bara ekkert að horfa á í gær. Í staðinn tók ég mig til og byrjaði að lesa sænska sakamálasögu sem heitir á íslensku Brosmildi maðurinn. Ég var reyndar að klára að lesa aðra sænska sakamálasögu sem heitir Stúdíó sex, ég held að ég sé að ganga í gegnum sænskt sakamálasögutímabil í lífinu. Nema að ég ætla að lesa Lord of the Rings næst sem er náttúrulega ekki sænsk sakamálasaga, ég var nefnilega að fjárfesta í Fellowship of the Ring um daginn, en ég verð eiginlega að kaupa hinar bækurnar úr sömu útgáfu svo að þær líti eins út, er það ekki??? Þá held ég sko að ég verði að gera það fljótlega, annars verða þær pottþétt uppseldar þegar ég ætla að kaupa þær. Ætli það sé eitthvað við XX litningasamstæðuna sem lætur mann eyða peningum í bækur og föt og allskonar drasl þótt maður eigi varla fyrir mat og svoleiðis??? Ó jæja, ég er allavega búin að kaupa klósettpappír svo að ég er seif út mánuðinn ;)

Ég þoli ekki þegar mann dreymir eitthvað sem hindrar mann í að vakna. Mig dreymdi svoleiðis í morgun, ekki einu sinni skemmtilegan draum, heldur bara að ég hefði fengið mjööööög eftirsótta vinnu hjá Búnaðarbankanum sem var bókstaflega slegist um og ég var að fara að hætta í vinnunni minni svo að ég nennti ekkert að vera að vakna við klukkuna. Sem leiddi náttúrulega til þess að ég var pínuponsulítið of sein í morgun. Sem betur fer er ég ekki að vinna með mjög anal fólki svo að það var allt í lagi. Mér finnst ég nefnilega mjög heppin með vinnufélaga, það eru bara allir svo yndislegir eitthvað, meira að segja á mánudögum.

Húff og púff, viðburðarík helgi, en samt ekki...